Подлогата игра многу важна улога кога се работи за успешна реализација на системот на контактната фасада со камена волна, но за жал на истата не и се посветува доволно внимание.

Ги разликуваме следниве видови на подлоги:

• опекарски  производи (полни и шупливи цигли)

• бетон

• полни или шупливи блокови

• поробетон

• производ подлога на база на дрво

Aко сакаме да поставиме изолација на веќе постоечки измалтерен објект, или на објект кој има фасада, проверката на подлогата е од крунцијална важност.

Во зависност од самата ситуација на објектот, користиме некоја од следниве методи за проверка:

• Визуелна метода

Служи за проценка на видот, карактеристиките и составот на подлогата, а посебно на нејзината влажност или на пукнатините.

Подлогата не смее да има кршливи, неврзани делови ниту пак пукнатини. Доколку тие сепак постојат – мора да се отстранат и санираат со малтерисување пред почетокот на работите на изведување на термофасадата.

Исто така, подлогата мора да биде комплетно сува – токму поради тоа се препорачува изработка на термофасадите во есенскиот период, затоа што се смета дека во текот на летните месеци евентуалната влажност од ѕидовите исчезнува.

• Teст со тропкање

На повеќе места на фасадата тропкајте со цврст предмет (рачка од шрафцигер или шпахтла), за да се испита цврстината на подлогата.

Доколку фасадата “ѕвони”, потребно е тие делови да се отстранат затоа што не се прилепени за подлогата.

• Teст бришење со дланка

Со рака или со црна крпа се испитуваат наслагите од прав.

• Teст со гребење

Со цврст остар алат испитајте ги цврстината и носивоста на подлогата, не смее да има слабо врзувачки делови и нечистотии.

• Обид со натопување

Подлогата се премачкува со мокра молерска четка поради испитување на способноста за впивање; кај зголеменото впивање се препорачува употреба на соодветен акрилен премаз, како основна подлога; истиот премаз служи и за санирање на вишокот од прашина.

• Проверка на рамноста на ѕидот

Со мерна летва (израмнувач) се врши контрола дали ѕидот отстапува од вертикалната рамнина; во праксата се толерира отстапување од ±1cm нa 3m должна на ѕидот.

Секое поголемо отстапување мора да се регулира со класично малтерисување, а не со додавање на поголема дебелина на лепило при лепењето на плочита од камена волна.

Moжеби сите овие активности ви делуваат непотребно, но истите се многу важни за долготрајноста и квалитетот на фасадата.

Инсистирајте кај вашиот мајстор да ги спроведе пред почетокот на работите, тоа, меѓу другото, ќе ви биде одличен тест за тоа дали сте го избрале вистинскиот мајстор.